11-05-2026

ASASAMetik gure harrotasuna eta esker ona adierazi nahi diogu gure lehendakari Mari Ángeles Arbaizagoitiari, Espainiako Osasun Mentaleko Konfederazioaren omenaldi hunkigarria jaso baitu bere XXIII. Biltzarraren esparruan, konfederazioaren barruan 20 urte baino gehiagoko dedikazio eta konpromisoagatik. Denbora horretan, Mari Angelesek hainbat ardura izan ditu, besteak beste, lehendakariorde eta Batzorde Iraunkorreko kide izatea, Euskadiko Osasun Mentala ordezkatuz eta osasun mentaleko elkarteen mugimendua indartzen modu aktiboan lagunduz.

Etapa berri honetan, Maite del Rio ASASAMeko lehendakariordeak hartuko du ordezkaritza horren erreleboa estatu mailan. Bestalde, Mari Angelesek Euskadiko Osasun Mentaleko eta ASASAMeko lehendakaritzan jarraituko du, osasun mentaleko arazoak dituzten pertsonen eta haien familien eskubideen defentsarekin konpromiso irmoa mantenduz.

40 urte baino gehiagoko ibilbidea du Mari Angelesek, eta euskal elkarteen eta hirugarren sektore sozialaren erreferentea da. Konpromiso nekaezinak, hurbiltasunak, alaitasunak eta gizarte inklusiboagoa bultzatzeko gaitasunak arrastoa utzi dute pertsona eta erakunde ugarirengan.

ASASAMek biziki eskertu nahi du egunero egiten duen lan, dedikazio eta maitasun guztia. Bera bezalako pertsonak funtsezkoak dira gizarte sentikorrago, bidezkoago eta osasun mentalarekiko inklusiboago baterantz aurrera egiten jarraitzeko.