Fedeafesen bildurik dauden elkarteek Buru Osasunaren Munduko Eguna ospatuko dute urriaren 18an, Laudion. Aurten aukeratutako leloak, “Pentsaerak irekiz, estigmak itxiz”, gaixotasun psikikoen inguruko aurreiritziak gainditzeko helburuari erreferentzia egiten dio. Zentzu horretan, euskal elkarte-mugimenduak herritar guztiak ospakizunetan parte har dezaten gonbidatu nahi ditu, kolektiboari babesa emateko xedez.
Fedeafes buru gaixotasuna duten pertsona eta senide elkarteen Euskadiko federazioak Zigor Kodearen erreforma-proposamena salatu du, buru gaixotasuna duten pertsonen eskubide konstituzionalak “urratzen” dituelako. Bihar ospatuko den Buru Osasunaren Munduko Eguna dela eta, sektoreko euskal elkarteek gaur prentsaurrekoan aurkeztutako aldarrikapen nagusietarikoa da hori.
Izenburua: Buru Gaixotasunen prebentzioa gazteen artean . Drogekiko menpekotasuna.
Data: urriak 22, asteazkena.
Lekua: Laudioko Udaletxeko erabilera anitzeko aretoan
Ordua: 17:30ean.
Hizlaria: Gotzon Minguez Ojembarrena, psikologo klinikoa eta drogekiko menpekotasunean aditua
Hizkuntza: gaztelania
Pasa den irailaren 24an Asasamek prestakuntza hitzaldia eskaini zuen Zigor Kodearen erreformak buru gaixotasuna dutenengan izango duen eraginak gure bazkideak kezkatzen dituela jakinik . Ekimena buru gaixotasuna dutenenei, senitartekoei eta buru osasunaren arloko profesionalei zuzenduta zegoen. Hitzaldi honen helburua Zigor Kodean egin nahi dituzten aldaketa nagusiei buruz informazioa ematea da, eta neurri horiek buru gaixotasuna duten pertsonengan dituzten ondorioak aztertzea zen.
Zigor Kodearen erreformak buru gaixotasuna dutenengan izango duen eraginak gure bazkideak kezkatzen dituela jakinik, Asasametik prestakuntza hitzaldia antolatu dugu. Ekimena buru gaixotasuna dutenenei, senitartekoei eta buru osasunaren arloko profesionalei zuzenduta dago. Hitzaldi honen helburua Zigor Kodean egin nahi dituzten aldaketa nagusiei buruz informazioa ematea da, eta neurri horiek buru gaixotasuna duten pertsonengan dituzten ondorioak aztertzea.
Honako helburuak ditu hitzaldiak:
ASASAMek sentsibilizazio kanpaina berria jarri du martxan buru osasun arazoak dituzten pertsonei eta senideei laguntzeko. Elkartearen 25. urteurrenaren harira antolatutako kanpainak, “Elkarrekin hobea da bizitza” leloarekin, buru gaixotasunaren inguruko estigmari aurre egin nahi dio, pertsona asko euren arazoa etxean gordetzera bultzatzen baititu. Zentzu horretan, elkarteak buru osasun arazoak dituzten pertsonak motibatu nahi ditu, beharrezko laguntzak bilatu ditzaten.
Sentsibilizazio kanpaina berria jarri dugu gaur martxan, Elkarrekin hobea da bizitza izenburupean, gure 25. urteurrena dela eta. Horrela, tabuak hautsi eta gure kolektiboaren ikuspegi normalizatua eskaini nahi dugu, modu horretan buru osasun arazoak dituzten pertsonek laguntza bilatzeko adorea izan dezaten. Gainera, buru gaixotasuna duten pertsonek gizarte babesa behar dutela azpimarratu nahi dugu, euren errekuperaziorako ezinbestekoa baita.
